Month: October 2024

បរទេស៖ លោក Krishna Srinivasan ប្រធាននាយកដ្ឋានអាស៊ី និងប៉ាស៊ីហ្វិករបស់ មូលនិធិរូបិយវត្ថុអន្តរជាតិ (IMF) បាននិយាយថា អាស៊ីដែលកំពុងរួមចំណែក៦០ភាគរយដល់កំណើនពិភពលោក គឺជាមហាអំណាចនៃសេដ្ឋកិច្ចពិភពលោក។នេបើតាមការចេញផ្សាយរបស់សារព័ត៌មាន ចិនស៊ីនហួ នៅថ្ងៃទី ៣០ខែតុលា ឆ្នាំ២០២៤។ លោក Krishna Srinivasan លើកឡើងថា នៅក្នុងរបាយការណ៍ចុងក្រោយបំផុតរបស់ទស្សនវិស័យសេដ្ឋកិច្ចពិភពលោក (WEO) ដែលបានចេញផ្សាយកាលពីថ្ងៃអង្គារទី២៩តុលា IMF បានរក្សាការព្យាករកំណើនសកលរបស់ខ្លួននៅឆ្នាំ២០២៤ នៅត្រឹម៣,២ភាគរយស្របតាមការព្យាកររបស់ខ្លួននៅក្នុងខែកក្កដា។ ទន្ទឹមនឹងនោះ សេដ្ឋកិច្ចអាស៊ីដែលកំពុងរីកចម្រើន និងកំពុងអភិវឌ្ឍ ត្រូវបានគេរំពឹងថានឹងកើនឡើង៥,៣ភាគរយ។ ទោះយ៉ាងណា…

ចិន៖ ក្រុមហ៊ុនផលិតរថយន្តអគ្គិសនីចិន BYD បានរាយការណ៍ពីការលក់កើនឡើង នៅថ្ងៃពុធ ដោយបានយកឈ្នះលើក្រុមហ៊ុនប្រកួតប្រជែងសកល Tesla ក្នុងប្រាក់ចំណូលប្រចាំត្រីមាស ជាលើកដំបូង, ខណៈការជំរុញការលក់នៅទីផ្សារក្រៅប្រទេសរបស់ខ្លួន មានការរីកចម្រើន។ នេះបើយោងតាមសារព័ត៌មាន Reuters ចេញផ្សាយនៅថ្ងៃទី៣០ ខែតុលា ឆ្នាំ២០២៤។ ក្រុមហ៊ុនផលិតរថយន្តអគ្គិសនីចិន BYD បានរាយការណ៍ពីប្រាក់ចំណូលប្រតិបត្តិការ ចំនួន២០១.១ពាន់លានយ័ន (២៨.២ពាន់លានដុល្លារ) នៅអំឡុងត្រីមាសទី៣, ជារបាយការណ៍នៅឯ Hong Kong Stock Exchange បានបង្ហាញ ដោយមានការកើនឡើង២៤ភាគរយ ធៀបនឹងរយៈពេលដូចគ្នា…

ភ្នំពេញ ៖ នៅក្នុងកិច្ចពិភាក្សារវាងអគ្គលេខាធិការរងគណៈកម្មាធិការវិនិយោគកម្ពុជាជាមួយនឹងសភាពាណិជ្ជកម្មហុងកុង គឺបានធ្វើឡើងដោយផ្តោតសំខាន់លើការបន្តកិច្ចសហប្រតិបត្តិការនិងពង្រឹងលើវិស័យវិនិយោគនៅប្រទេសកម្ពុជា។ បើតាម ឯកឧត្ដម នុត អ៊ុនវ័ណរ៉ា អគ្គលេខាធិការរងគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានដឹកនាំសហការីទទួលជួបពិភាក្សាការងារជាមួយគណៈប្រតិភូសភាពាណិជ្ជកម្មហុងកុងតំណាងដោយ លោក Dewan Saiful Alam ប្រធានគណៈកម្មការទទួលបន្ទុកកិច្ចការអាស៊ី, អាហ្វ្រិក និងមជ្ឈិមបូព៌ា ដែលមានបំណងឈ្វេងយល់អំពីបរិយាកាស, សក្តានុពល និងកាលានុវត្តភាពវិនិយោគនៃព្រះរាជាណាចក្រកម្ពុជា កាលពីថ្ងៃទី២៨ ខែតុលា ឆ្នាំ២០២៤ ។ ឯកឧត្តមអគ្គលេខាធិការរងបានធ្វើការពិពណ៌នាជូនសមភាគីអំពីវឌ្ឍនភាពម៉ាក្រូសេដ្ឋកិច្ចជាតិ ដែលបាននិងកំពុងរីកលូតលាស់ប្រកបដោយភាពធន់ តាមរយៈកំណើនសេដ្ឋកិច្ចជាលំដាប់, អត្រាអតិផរណាដែលអាចគ្រប់គ្រងបាន,កំណើននៃរំហូរវិនិយោគ, អត្រាប្តូរប្រាក់ដែលមានស្ថិរភាព, និងការប្តេជ្ញាចិត្តខ្ពស់ពីគ្រប់តួអង្គពាក់ព័ន្ធក្នុងការចូលរួមធ្វើពិពិធកម្មមូលដ្ឋានសេដ្ឋកិច្ច។…

អាមេរិក៖ ក្នុងរយៈពេលមួយសប្តាហ៍ ដើម្បីឈានទៅដល់ការបោះឆ្នោត បេក្ខជនគណបក្ស ប្រជាធិបតេយ្យ និងជាអនុប្រធានាធិបតីបច្ចុប្បន្ន លោកស្រី Kamala Harris នាំមុខលោក Trump តិចជាងមួយភាគរយប៉ុណ្ណោះ គម្លាតកាន់តែរួមតូច ហើយរដ្ឋសមរភូមិនៅតែ “តឹងតែងខ្លាំង។ ”យោងតាមសារព័ត៌មាន RT ចេញផ្សាយនៅថ្ងៃទី២៩ ខែតុលា ឆ្នាំ២០២៤។ ការព្យាករណ៍របស់លោកនៅក្នុងការបង្ហោះនៅលើ X (អតីត Twitter) កាលពីថ្ងៃចន្ទ លោក Barraud បានសរសេរថា “សម្លឹងមើលការវាស់វែងផ្សេងៗដូចជា ការភ្នាល់នៅលើទីផ្សារ…

ភ្នំពេញ៖ ក្នុងជំនួបជាមួយឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ នៅថ្ងៃទី២៨ ខែតុលា ឆ្នាំ២០២៤ គណៈប្រតិភូធុរកិច្ចមកពីមជ្ឈមណ្ឌលនវានុវត្តន៍ Gyeongbuk Technopark នៃសាធារណៈរដ្ឋកូរ៉េ បានបង្ហាញបំណងសហការជាមួយរាជរដ្ឋាភិបាលកម្ពុជា ក្នុងការអភិវឌ្ឍសួនបច្ចេកវិទ្យានៅកម្ពុជា។ លោក Minjae Joung ប្រធានមជ្ឈមណ្ឌល Gyeongbuk Technopark បានលើកឡើងថា មជ្ឈមណ្ឌលរបស់លោកមានជំនាញលើការស្រាវជ្រាវ និងអភិវឌ្ឍបច្ចេកវិទ្យា ហើយដំណើរទស្សនកិច្ចមកកម្ពុជានាពេលនេះ គឺដើម្បីស្វែងយល់អំពីវិស័យអាទិភាពរបស់កម្ពុជាសម្រាប់ការវិនិយោគពីសាធារណៈរដ្ឋកូរ៉េ។ ជាមួយគ្នានេះ ឯកឧត្តម…

បាងកក៖ ក្រសួងហិរញ្ញវត្ថុថៃ និងបណ្ដាដៃគូរបស់ខ្លួនបានជួយពលរដ្ឋងាយរងគ្រោះបង់ផ្ដាច់បំណុលឯកជនដែលមានការប្រាក់ខ្ពស់ចំនួន២១.៤៦៣ករណី ដើម្បីសង្គ្រោះពលរដ្ឋទាំងនោះឱ្យរួចផុតពីអន្ទាក់ការប្រាក់ខ្ពស់ដែលប្រឆាំងនឹងច្បាប់រដ្ឋ។ នេះបើយោងតាមការចុះផ្សាយរបស់កាសែត The Nation នៅថ្ងៃទី ២៦ខែតុលា ឆ្នាំ២០២៤។ លោក Pornchai Teeravej អគ្គនាយកនៃការិយាល័យគោលនយោបាយសារពើពន្ធថៃ (FPO) បានគូសបញ្ជាក់ថា បន្ទាប់ពីរដ្ឋាភិបាលថៃ ធ្វើអន្តរាគមន៍ជួយពលរដ្ឋ ដែលជាប់បំណុលឯកជនមានការប្រាក់ខ្ពស់បង់ផ្ដាច់បំណុលរបស់ពួកគេ បណ្ដាធនាគារពិសេសរបស់ក្រសួងហិរញ្ញវត្ថុថៃ និងបណ្ដាដៃគូឯកជនរបស់ក្រសួងបានអនុម័តបុនហិរញ្ញប្បទាន (Refinancing) ឬ ការផ្តល់ឥណទានថ្មីឡើងវិញសរុបជាទឹកប្រាក់ជាង៣០លានដុល្លារអាម៉េរិក។ លោកបន្ថែមទៀតថា ប្រតិបត្តិការអន្តរាគមន៍នេះបានចាប់ផ្តើមនៅថ្ងៃទី០១ ខែធ្នូ ឆ្នាំ២០២៣ ហើយគិតត្រឹមថ្ងៃទី២៤ ខែតុលា…

វៀតណាម៖ ឧស្សាហកម្មចំណីអាហារ និងភេសជ្ជៈ នៅប្រទេសវៀតណាម កំពុងជួបវិបត្តិធ្ងន់ធ្ងរ ដោយមានហាងរហូតដល់ទៅជាង៣ម៉ឺនកន្លែងត្រូវបានបិទទ្វារ នៅក្នុងឆមាសទី១ ដើមឆ្នាំ២០២៤ ខណៈដែលមនុស្សចាប់ផ្ដើមកាត់បន្ថយការចូលហាងដោយសារសេដ្ឋកិច្ចធ្លាក់ចុះ។ នេះបើយោងតាមការចុះផ្សាយរបស់សារព័ត៌មាន VN Express។ របាយការណ៍របស់ក្រុមហ៊ុន iPOS ដែលជាក្រុមហ៊ុនពិគ្រោះយោបល់ក្នុងឧស្សាហកម្មចំណីអាហារ និងភេសជ្ជៈវៀតណាម បានបង្ហាញថា ហាងលក់ចំណីអាហារ និងភេសជ្ជៈនៅក្នុងប្រទេសក្បែរខាងរបស់កម្ពុជា មួយនេះ មានចំនួន៣០ម៉ឺន៤៧០០ហាង គិតត្រឹមចុងខែមិថុនា ឆ្នាំ២០២៤ ដោយធ្លាក់ចុះ៣,៩% បើធៀបនឹងចុងឆ្នាំ២០២៣។ ប៉ុន្តែទន្ទឹមនេះ ប្រាក់ចំណូលសរុបក្នុងឧស្សាហកម្មចំណីអាហារ និងភេសជ្ជៈទាំងមូលរបស់វៀតណាម បានកើនឡើងជិតដល់១៦,៥ពាន់លានដុល្លារអាម៉េរិក ឬស្មើនឹង២ភាគ៣នៃប្រាក់ចំណូលសរុបក្នុងឧស្សាហកម្មនេះពេញមួយឆ្នាំ២០២៣។…

ខេត្តសៀមរាប៖ អាជ្ញាធរជាតិអប្សរាបានឱ្យដឹងថាចម្លាក់បដិមាទ្វារបាលចំនួន១២ ដែលមួយចំនួនធ្លាក់នៅរាយប៉ាយលើដីក្បែរខ្លោងទ្វារ គឺមានទំហំ និងទម្រង់ខុសៗគ្នាទៅតាមជាន់នីមួយៗត្រូវបានគេរកឃើញ នៅខ្លោងទ្វារខាងជើងព្រះបរមរាជវាំង នៃក្រុងអង្គរធំ។ ចំពោះការរកឃើញនេះដែររ លោក ចាន់ថន បញ្ជាក់ថា ចម្លាក់ទ្វារបាលនៅជាន់ទី១ មានកម្ពស់១១០សង់ទីម៉ែត្រ និងជាន់ទី២ មានកម្ពស់១០០សង់ទីម៉ែត្រ មួយចំនួននៅមានរូបរាងនៅល្អពេញលេញ ខ្លះទៀត ខូចខាតដោយអន្លើ ដោយសារធ្លាក់ពីកម្ពស់ខ្ពស់។ ចំណែក រូបចម្លាក់ទ្វារបាលនីមួយៗមានលម្អគ្រឿងអលង្ការ សក់ ផ្ទៃមុខខុសៗគ្នា។ ក្រោយពីបានរកឃើញចម្លាក់ទ្វារបាលទាំងអស់នេះដែរ ក្រុមអ្នកជំនាញបានកំណត់ទីតាំងដើម ចុះបញ្ជី ថតរូប រៀបចំឯកសារ មុនឈានដល់ការលើកមកសម្អាត និងជួសជុល…