គម្រោង ការពង្រឹងសុវត្ថិភាពហិរញ្ញវត្ថុនៅក្នុងសហគមន៍ ជាគំនិតផ្តួចផ្តើមដែលត្រូវបានសាកល្បងនៅក្នុងភូមិ និងឃុំមួយចំនួននៅទូទាំងខេត្តគោលដៅអស់រយៈពេលជាងមួយឆ្នាំ បានផ្តល់សិទ្ធិអំណាចដល់ប្រជាពលរដ្ឋក្នុងមូលដ្ឋានឱ្យយល់អំពីសិទ្ធិ និងកាតព្វកិច្ចរបស់ពួកគេទាក់ទងនឹងប្រាក់កម្ចី និងជៀសវាងការធ្លាក់ខ្លួនរងគ្រោះដោយការក្លែងបន្លំផ្នែកហិរញ្ញវត្ថុ។
គម្រោងនេះត្រូវបានផ្តួចផ្តើមឡើងដោយធនាគារជាតិនៃកម្ពុជា និងដឹកនាំដោយគណៈកម្មាធិការកណ្តាលដែលមានសមាសភាពពីធនាគារជាតិនៃកម្ពុជា សមាគមធនាគារនៅកម្ពុជា សមាគមមីក្រូហិរញ្ញវត្ថុកម្ពុជា និងការិយាល័យឥណទានកម្ពុជា។ គម្រោងទាំងនោះកំពុងត្រូវបានគេដាក់សាកល្បងនៅខេត្តកំពង់ធំ កំពង់ស្ពឺ ស្វាយរៀង និងខេត្តបាត់ដំបង។ គម្រោងនេះចូលរួមលើកកម្ពស់ការយល់ដឹងអំពីហានិភ័យនៃបំណុលលើសលប់ និងសារៈសំខាន់នៃការខ្ចីប្រាក់ប្រកបដោយការទទួលខុសត្រូវ។
លោក រ័ត្ន សោភ័ណ្ឌ ប្រធានសមាគមធនាគារកម្ពុជា បានកោតសរសើរចំពោះសមិទ្ធផលក្នុងការអនុវត្តសាកល្បងនៃគម្រោងនេះ។ លោកបានមានប្រសាសន៍នៅក្នុងសិក្ខាសាលា ផ្សព្វផ្សាយលទ្ធផលគម្រោង ការពង្រឹងសុវត្ថិភាពហិរញ្ញវត្ថុក្នុងសហគមន៍កាលបីថ្ងៃទី៨ ខែតុលា នៅមជ្ឈមណ្ឌលសិក្សាបច្ចេកទេសធនាគារថា “ការលើកកម្ពស់អាជីវកម្មធនាគារប្រកបដោយការទទួលខុសត្រូវ និងការ ការការពារអ្នកប្រើប្រាស់ ក៏ដូចជាការអប់រំចំណេះដឹងផ្នែកហិរញ្ញវត្ថុ គឺជារបៀបវារៈស្នូលរបស់សមាគមធនាគារកម្ពុជា និងសមាជិករបស់ខ្លួន” ។
លោកស្រី ឌិត នីតា ប្រធានសមាគមមីក្រូហិរញ្ញវត្ថុកម្ពុជា មានប្រសាសន៍ថា គម្រោងពង្រឹងសុវត្ថិភាពហិរញ្ញវត្ថុក្នុងសហគមន៍ រួមចំណែកក្នុងការកសាងសមត្ថភាពអ្នកពាក់ព័ន្ធ ជាពិសេសអាជ្ញាធរភូមិ ឃុំ ដែលជាតួអង្គសំខាន់ក្នុងការផ្សព្វផ្សាយចំណេះដឹងនេះដល់ប្រជាពលរដ្ឋក្នុងមូលដ្ឋានសហគមន៍របស់ពួកគេ។
“គម្រោងនេះនឹងរួមចំណែកយ៉ាងសំខាន់ក្នុងការលើកកម្ពស់ជំនាញជីវិត ការគ្រប់គ្រងហិរញ្ញវត្ថុគ្រួសារ ជួយប្រជាជនក្នុងតំបន់ឱ្យយល់អំពីសិទ្ធិ និងកាតព្វកិច្ចរបស់ពួកគេទាក់ទងនឹងប្រាក់កម្ចី។ ជាពិសេស គម្រោងនេះនឹងជួយប្រជាជនក្នុងតំបន់ឱ្យជៀសផុតពីការក្លែងបន្លំផ្នែកហិរញ្ញវត្ថុតាមមធ្យោបាយណាមួយ ឬជៀសវាងការជំពាក់បំណុលលើសលុប»។
លោក យឹម លាត ទេសាភិបាលរងធនាគារជាតិនៃកម្ពុជា បានកោតសរសើរចំពោះក្រុមការងារអនុវត្តគម្រោង មន្ត្រីបង្គោល អ្នកសម្របសម្រួលឃុំ សមាគមគោលដៅ និងអ្នកពាក់ព័ន្ធទាំងអស់។ លោកបានមានប្រសាសន៍ថា “ភាពជោគជ័យនៃការអនុវត្តគម្រោងនេះនឹងក្លាយជាឱកាសដ៏ល្អសម្រាប់ក្រុមការងារក្នុងការពង្រីកវិសាលភាពនៃគម្រោងនេះទៅកាន់ឃុំ សង្កាត់ និងស្រុកផ្សេងទៀត”។
