រដ្ឋមន្ត្រីថៃនិយាយថា ថៃនឹងទទួលបានអត្ថប្រយោជន៍ពីសង្គ្រាមពាណិជ្ជកម្មអាមេរិកនិងចិន
បរទេស៖ រដ្ឋមន្ត្រីក្រសួងពាណិជ្ជកម្មលោក Pichai Naripthaphan បាននិយាយកាលពីថ្ងៃព្រហស្បតិ៍ថា សេដ្ឋកិច្ចរបស់ប្រទេសថៃទទួលបានផលចំណេញពីសង្គ្រាមពាណិជ្ជកម្មណាមួយរវាងសហរដ្ឋអាមេរិក និងចិន ដោយលោកបានបន្ថែមថា ប្រទេសអាស៊ីអាគ្នេយ៍មានទំនាក់ទំនងល្អជាមួយប្រជាជាតិទាំងពីរ ហើយនឹងមិនចាំបាច់ចូលភាគីក្នុងជម្លោះនោះទេ។ លោកបានប្រាប់អ្នកយកព័ត៌មានថា នៅក្នុងសង្គ្រាមពាណិជ្ជកម្ម ការនាំចូលទំនិញរបស់អាមេរិកនឹងធ្លាក់ចុះ ហើយផលិតផលថៃគួរតែជំនួសពួកគេ ដែលមានន័យថាការនាំចេញរបស់ថៃទៅកាន់សហរដ្ឋអាមេរិកនឹងកើនឡើង។ លោក Pichai បាននិយាយថា “យើងមានតុល្យភាពល្អរវាងសហរដ្ឋអាមេរិក និងចិន… ជនជាតិអាមេរិកស្រឡាញ់យើង ចិនស្រឡាញ់យើង យើងមិនចាំបាច់ជ្រើសរើសភាគី” ដោយបន្ថែមគណៈប្រតិភូធុរកិច្ចអាមេរិកមកធ្វើទស្សនកិច្ចនៅប្រទេសថៃក្នុងខែវិច្ឆិកា។ លោករដ្ឋមន្ត្រីបាននិយាយថា លោកសង្ឃឹមសម្រាប់ការវិនិយោគបន្ថែមទៀតពីសហរដ្ឋអាមេរិក ដោយលើកឡើងពីផែនការរបស់អ្នកផលិត Hard Disk Seagate…
