ក្រុមហ៊ុនបរទេសបានខាតបង់ជាង១០០ពាន់លានដុល្លារព្រោះចាកចេញពីរុស្ស៊ី ចាប់តាំងពីមានសង្រ្គាមអ៊ុយក្រែន

អន្តរជាតិ៖ យោងតាមការវិភាគរបស់សារព័ត៌មាន Reuters បណ្ដាក្រុមហ៊ុនបរទេសដែលបានចាកចេញពីប្រទេសរុស្ស៊ី ចាប់តាំងពីប្រទេសនេះបានចូលលុកលុយនៅក្នុងអ៊ុយក្រែនកាលពីឆ្នាំ២០២២ បានខាតបង់ប្រាក់ចំណូលប្រមាណ១០៧ ពាន់លានដុល្លារក្នុងដំណើរការនៃការចាកចេញពីទីផ្សារ។
នៅពេលនោះ បណ្ដាក្រុមហ៊ុនបរទេសដែលចាកចេញពីប្រទេសរុស្ស៊ីបានខាតបង់ប្រាក់ជាងប្រាក់ចំណូល ៨០ ពាន់លានដុល្លារក្នុងដំណើរការចាកចេញពីប្រទេសរុស្ស៊ីជាផ្នែកមួយនៃការដាក់ទណ្ឌកម្មលើសេដ្ឋកិច្ចរបស់ប្រទេសនេះ។
ក្រុមហ៊ុនទាំងឡាយ ដែលចាកចេញពីប្រទេសរុស្ស៊ី បានបាត់បង់ប្រយោជន៍យ៉ាងច្រើនក្នុងកំណត់ត្រារបស់ខ្លួន និងបាត់បង់ប្រាក់ចំណូល ដោយសារតែរបបរបស់លោកប្រធានាធិបតី Vladimir Putin បានអនុវត្តវិធានការដាក់ទណ្ឌកម្មកាន់តែខ្លាំងឡើងសម្រាប់ការចាកចេញរបស់ក្រុមហ៊ុន។
វិធានការរបស់រុស្ស៊ី ទាំងនោះ រួមមានការតម្រូវឱ្យក្រុមហ៊ុនលក់ទ្រព្យសកម្មរបស់ពួកគេដោយការបញ្ចុះតម្លៃ ៥០% និងបង់ប្រាក់យ៉ាងហោចណាស់ ១០% នៃការលក់របស់ពួកគេចូលទៅថវិកាសហព័ន្ធ។ ទីក្រុងវ៉ាស៊ីនតោន បានហៅការបង់ប្រាក់បែបនេះថាជាការដកពន្ធ៕