Category: ព័ត៌មានទូទៅ

គណៈប្រតិភូធុរកិច្ចកូរ៉េមកពីបណ្ដាក្រុមហ៊ុនចំនួន ៥០ នៃសម្ព័ន្ធឧស្សាហកម្មនៃប្រទេសកូរ៉េ (KIAF) បានមកជួបសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដើម្បីបង្ហាញពីបំណងចង់វិនិយោគលើវិស័យសក្ដានុពលនៅកម្ពុជានាពេលខាងមុខ។ បំណងរបស់ក្រុមហ៊ុន ទាំង៥០ នេះ បានធ្វើឡើង ក្នុងជំនួបជាមួយសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នាព្រឹកថ្ងៃទី១៣ ខែធ្នូ ឆ្នាំ២០២៤ ។ តំណាងគណៈប្រតិភូក្រុមហ៊ុន លោក Marn-Ki Jeong ប្រធានវេទិកាសម្ព័ន្ធឧស្សាហកម្មនៃប្រទេសកូរ៉េ (KIAF) បានឱ្យដឹងថា លោកបានដឹកនាំគណៈប្រតិភូធុរកិច្ចកូរ៉េមកពីបណ្ដាក្រុមហ៊ុនចំនួន ៥០…

ភាពឆ្លាតវៃរបស់មនុស្សបានបង្កើតនូវវិស្វកម្មទំនើបៗ និងភាពអស្ចារ្យជាច្រើន តួយ៉ាងដូចជាស្ពាន កាណាក់កាឡេ ឆ្នាំ១៩១៥ (The 1915 Çanakkale) ត្រូវបានគេដឹងថា ជាស្ពានយោលដែលមានប្រវែង ២ ០២៣ម៉ែត្រ ជាប្រវែងវែងជាងគេបំផុតនៅលើពិភពលោក ហើយតភ្ជាប់ការធ្វើដំណើរយ៉ាងសំខាន់រវាងទ្វីបអឺរ៉ុប និងទ្វីបអាស៊ី។ ទន្ទឹមនឹងប្រវែងដ៏វែង ស្ពានខ្សែកាបមួយនេះ ក៏មានប៉មពណ៌ក្រហមទ្រទាញស្ពានកំពស់ ៣១៨ម៉ែត្រផងដែរ។ ប្រវែងដ៏វែងរបស់ កាណាក់កាឡេ ឆ្នាំ១៩១៥ ក្នុងប្រទេសតួកគី បានធ្វើឲ្យវាស្ថិតនៅចំណោមវិស្វកម្មដ៏អស្ចារ្យបំផុតរបស់ពិភពលោក វ៉ាដាច់កំណត់ត្រារបស់ស្ពាន Akashi Kaikyo ប្រវែង ១ ៩៩២ម៉ែត្រនៅក្នុងប្រទេសជប៉ុន។…

នាយកប្រតិបត្តិក្រុមហ៊ុនផលិតរថយន្តអគ្គិសនី Tesla លោក Elon Musk បានក្លាយជាបុគ្គលដំបូងគេនៅលើពិភពលោកដែលមានទ្រព្យសម្បត្តិសរុបកើនឡើងដល់ចំនួន ៤០០ពាន់លានដុល្លារ គិតត្រឹមថ្ងៃព្រហស្បតិ៍ ទី១២ ខែធ្នូនេះ។ បើតាមការចុះផ្សាយពីសារព័ត៌មាន ​​Bloomberg បានបង្ហាញឲ្យដឹងថា ជុំវិញការកើនឡើងទ្រព្យសម្បត្តិរបស់លោក Musk នេះ បានកើតឡើង បន្ទាប់ពីមហាសេដ្ឋីអាមេរិក លក់ភាគហ៊ុនរបស់ខ្លួននៅក្នុងក្រុមហ៊ុនអវកាស SpaceX ដោយបានបន្ថែមទឹកប្រាក់ដល់ទៅ ៥០ពាន់លានដុល្លារ ចូលក្នុង​ហោប៉ៅ​របស់អ្នកមានបំផុតដាច់គេលើលោករូបនេះ។ ប្រភពខាងលើ បានបង្ហាញឲ្យដឹងទៀតថា ទ្រព្យសម្បត្តិសរុបរបស់លោក Musk ឥឡូវនេះ មានចំនួនសរុបដល់ទៅ ៤៤៧ពាន់លានដុល្លារ…

ក្រុមហ៊ុន Amazon របស់មហាសេដ្ឋីលំដាប់កំពូល Jeff Bezos គ្រោងនឹងបរិច្ចាគទឹកប្រាក់ចំនួន ១លានដុល្លារ ទៅកាន់មូលនិធិស្បថចូលកាន់តំណែងរបស់ប្រធានាធិបតីអាណត្តិថ្មី លោក ដូណាល់ ត្រាំ​ បន្ទាប់ពីក្រុមហ៊ុន Meta របស់លោក Mark Zuckerberg ក៏បានធ្វើដូចគ្នានេះផងដែរ។ នេះបើតាមការចុះផ្សាយពីសារព័ត៌មាន CNN។ បើតាមអ្នកនាំពាក្យរបស់ក្រុមហ៊ុន Amazon បាននិយាយកាលពីថ្ងៃទី១២ ខែធ្នូថា ក្រុមហ៊ុនរបស់ខ្លួននឹងបរិច្ចាគជាថវិកា ១លានដុល្លារ ដល់មូលនិធិស្បថចូលកាន់តំណែងរបស់លោក ត្រាំ ហើយកម្មវិធីដែលនឹងត្រូវរៀបចំធ្វើឡើងនាថ្ងៃទី២០ ខែមករា ឆ្នាំក្រោយនេះ…

គិតត្រឹមដើមខែធ្នូ ឆ្នាំ២០២៤ គម្រោងសាងសង់ស្ពានឆ្លងកាត់ទន្លេមេគង្គខេត្តក្រចេះ ដែលមានតម្លៃ១១១លានដុល្លារអាមេរិក សម្រេចលទ្ធផល ៧៧,០២%ហើយ ខណៈគម្រោងនេះគម្រោងនឹងបើកឱ្យធ្វើដំណើរបណ្តោះអាសន្ននៅអំឡុងខែកញ្ញា ឆ្នាំក្រោយនេះហើយ។ ក្រសួងសាធារណការ និងដឹកជញ្ជូន នៅថ្ងៃទី១៥ ខែធ្នូ ឆ្នាំ២០២៤ បានឱ្យដឹងថា គិតត្រឹមដើមខែធ្នូ ឆ្នាំ២០២៤ គម្រោងសាងសង់ស្ពានឆ្លងកាត់ទន្លេមេគង្គខេត្តក្រចេះសម្រេចលទ្ធផល ៧៧,០២% ខណៈដែលគម្រោងទាំងមូលរួមមាន៖ គម្រោងសាងសង់ស្ពានឆ្លងកាត់ទន្លេមេគង្គខេត្តក្រចេះ ,ស្ពានមធ្យម ២កន្លែង, ស្ពានខ្លី ១កន្លែង និងផ្លូវតភ្ជាប់មានចំណុចចាប់ផ្តើមពីផ្លូវជាតិលេខ៧ (រង្វង់មូលខ្លាស្ទុះ) ទៅផ្លូវជាតិលេខ៦០B សម្រេចលទ្ធផល ៥៣,១៤%។ ក្រសួងសាធារណការបន្តថា…

នារសៀលថ្ងៃទី១៥ ខែធ្នូ ឆ្នាំ២០២៤ ឯកឧត្តម ហួត ហាក់ រដ្ឋមន្ត្រ្តីក្រសួងទេសចរណ៍ រួមជាមួយ ឯកឧត្តម ម៉ៅ ធនិន អភិបាលនៃគណៈអភិបាលខេត្តកំពតអញ្ជើញជាអធិបតីក្នុងពិធីបិទបុណ្យសមុទ្រលើកទី១១ ជុំទី៣ ក្រោមប្រធានបទ៖ «អបអរបេតិកភណ្ឌ និងចីរភាពនៃតំបន់ឆ្នេរ» ដែលត្រូវបានរៀបចំឡើងដោយឈរលើគោលការណ៍ នៃការឆ្លាស់វេនគ្នានៅខេត្តតំបន់ឆ្នេរទាំង៤ (ព្រះសីហនុ កោះកុង កំពត កែប) គោលបំណងនៃពិធីបុណ្យសមុទ្រ គឺដើម្បីរួមគ្នាអភិរក្សការពារធនធានធម្មជាតិសមុទ្រ និងថែរក្សាបរិស្ថាន ឆ្នេរឱ្យបានស្អាត ដើម្បីបម្រើដល់ការអភិវឌ្ឍន៍ទេសចរណ៍ប្រកបដោយចីរភាព និងការទទួលខុសត្រូវ ព្រមទាំងលើកតម្កើងការផ្សព្វផ្សាយគោលដៅទេសចរណ៍តំបន់ឆ្នេរកម្ពុជាឱ្យកាន់តែទូលំទូលាយ ទាក់ទាញទេសចរជាតិ…

(សៀមរាប)៖ បើតាមការបញ្ជាក់របស់អាជ្ញាធរជាតិអប្សរា នាថ្ងៃទី១៣ ខែធ្នូ ឆ្នាំ២០២៤នេះ ក្រសួងការបរទេសជប៉ុន បានប្រកាសផ្តល់ជំនួយ ៩០ម៉ឺនដុល្លារបន្ថែមដល់ភាគីកម្ពុជា សម្រាប់ការជួសជុលប្រាសាទបាយ័ន នៃក្រុងអង្គរធំ ចាប់ឆ្នាំ២០២៥ ដល់ឆ្នាំ២០២៨។ ការប្រកាសផ្ដល់ជំនួយនេះ ធ្វើឡើងក្នុងកិច្ចប្រជុំពេញអង្គនៃគណៈកម្មាធិការអន្តរជាតិ សម្របសម្រួលកិច្ចគាំពារ និងអភិវឌ្ឍន៍តំបន់ប្រវត្តិសាស្រ្តអង្គរ និងសំបូរព្រៃគុក ហៅកាត់ថា អាយស៊ីស៊ី-អង្គរ និងសំបូរព្រៃគុក នាថ្ងៃទី១៣ ខែធ្នូ ឆ្នាំ២០២៤ លោក Kawase Taro ប្រធានផ្នែកកិច្ចសហប្រតិបត្តិការវប្បធម៌ពហុភាគី នៃក្រសួងការបរទេសជប៉ុន បានប្រកាសពីការផ្តល់ជំនួយថវិកាចំនួន ៩០ម៉ឺនដុល្លារអាមេរិកបន្ថែម…

អាមេរិក៖ លោក Donald Trump បានជាប់ឈ្មោះជាបុគ្គលឆ្នើមប្រចាំឆ្នាំ២០២៤ របស់ទស្សនាវដ្តី Time ដែលនេះក៏ដោយសារតែលោកបានជាប់ឆ្នោតក្លាយជាប្រធានាធិបតីទី៤៧របស់សហរដ្ឋអាមេរិក វិលត្រឡប់ចូលទៅអង្គុយកៅអីនៅក្នុងសេតវិមានសាជាថ្មី។ នេះជាលើកទី៣ហើយដែលលោក Donald Trump លេចវត្តមានលើគម្របទស្សនាវដ្តី Time ក្នុងឆ្នាំ២០២៤។ យ៉ាងណា ចំពោះលោក ត្រាំ គាត់មិនដែលពេញចិត្តចំពោះទស្សនាវដ្តីនេះទេ ដោយតែងតែរិះគន់ថា Time ជ្រើសរើសបុគ្គលឆ្នើមមិនត្រឹមត្រូវ។ ទស្សនាវដ្តី Time សរសេរថា «តាំងពីចាប់ផ្តើមឈរឈ្មោះជាប្រធានាធិបតីក្នុងឆ្នាំ២០១៥ ប្រហែលជាគ្មានបុគ្គលណា ដើរតួនាទីក្នុងការផ្លាស់ប្តូររបត់នយោបាយនិងប្រវត្តិសាស្រ្ត ធំជាងលោក Donald…

ស្វីស៖ រដ្ឋាភិបាលស្វីសបាននិយាយកាលពីថ្ងៃពុធថា បច្ចុប្បន្នមានទ្រព្យសម្បត្តិ ៩៩លានហ្វ្រង់ស្វីស (ស្មើនឹង 112 លានដុល្លារ) របស់ស៊ីរីត្រូវបានបង្កកនៅក្នុងប្រទេសស្វីស ដែលភាគច្រើនត្រូវបានបង្កកអស់រយៈពេលជាច្រើនឆ្នាំមកហើយ។នេះបើតាមការចេញផ្សាយដោយសារព័ត៌មាន រយទ័រ នៅថ្ងៃទី ១៣ ខែធ្នូ ឆ្នាំ២០២៤។ លេខាធិការដ្ឋានកិច្ចការសេដ្ឋកិច្ច (Seco) បាននិយាយថា ភាគច្រើននៃចំនួនទ្រព្យសម្បត្តិសរុបត្រូវបានបង្កកចាប់តាំងពីប្រទេសស្វីសបានអនុម័តការដាក់ទណ្ឌកម្មរបស់សហភាពអឺរ៉ុបប្រឆាំងនឹងប្រទេសស៊ីរីក្នុងខែឧសភា ឆ្នាំ ២០១១។ ប្រទេសស្វីសនៅសប្តាហ៍នេះបានបន្ថែមមនុស្សបីនាក់ទៀតទៅក្នុងបញ្ជីទណ្ឌកម្មដែលទាក់ទងនឹងស៊ីរី បន្ទាប់ពីមានចំណាត់ការរបស់សហភាពអឺរ៉ុប។អ្នកនាំពាក្យ Seco បានប្រាប់រ៉យទ័រថា “បច្ចុប្បន្នមានបុគ្គលចំនួន ៣១៨ និងអង្គភាពចំនួន ៨៧ នៅក្នុងបញ្ជីដាក់ទណ្ឌកម្ម” ដោយបដិសេធមិននិយាយថាតើប្រទេសស្វីសបានបង្កកទ្រព្យសម្បត្តិណាមួយរបស់ប្រធានាធិបតីស៊ីរីគឺលោក…

(ភ្នំពេញ)៖ នាល្ងាចថ្ងៃព្រហស្បតិ៍ ទី១២ ខែធ្នូ ឆ្នាំ២០២៤នេះ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានចុះជួបសាកសួរសុខទុក្ខកម្មករនិយោជិតដោយផ្ទាល់នៅតាមកន្លែងស្នាក់នៅក្នុងតំបន់សួនឧស្សាហកម្ម កាណាឌីយ៉ា ក្នុងសង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។ គោលបំណងដែលឯកឧត្តមរដ្ឋមន្ត្រី ចុះជួបផ្ទាល់ជាមួយបងប្អូនកម្មករនិយោជិតនាពេលនេះ គឺដើម្បីពិនិត្យមើលជាក់ស្តែងអំពីជីវភាព និងការស្នាក់នៅ ជាពិសេសបានដឹងពីសុខទុក្ខពិតប្រាកដរបស់បងប្អូនកម្មករនិយោជិតដែលកំពុងបំពេញការងារនៅតាមរោងចក្រ សហគ្រាសនានា។ នៅក្នុងឱកាសជួបសំណេះសំណាលផ្ទាល់ក្នុងបរិយាកាសដ៏ស្និទ្ធស្នាលជាមួយឯកឧត្តមរដ្ឋមន្ត្រី នាពេលនេះ បងប្អូនកម្មករនិយោជិតក៏បានជម្រាបជូនឯកឧត្តមរដ្ឋមន្ត្រី អំពីជីវភាពរស់នៅ និងការងារក្នុងរោងចក្រ សហគ្រាស រួមនិងអត្ថប្រយោជន៍ផ្សេងៗដែលទទួលបានពីរោងចក្រ សហគ្រាស និងការគិតគូរយកចិត្តទុកដាក់ពីសំណាក់រាជរដ្ឋាភិបាលផ្តល់ជូនដល់កម្មករនិយោជិតផងដែរ។…