ការស្ថាបនាស្ពានប្រដឺសឬស្សី កោះប៉ែន ឆ្លងកាត់ទន្លេមេគង្គ ឆ្ពោះទៅកាន់រមណីយដ្ឋានធម្មជាតិ “ឆ្នេរខ្សាច់កោះប៉ែន” ដាក់ដំណើរការនៅថ្ងៃទី១៦ ខែធ្នូ ឆ្នាំ២០២៤នេះហើយ ក្នុងគោលបំណងទទួលភ្ញៀវទេសចរជាតិ-អន្តរជាតិមកទស្សនាកំសាន្ត ខេត្តកំពង់ចាម នាថ្ងៃឆ្លងឆ្នាំសកល ឆ្នាំ២០២៥ ខាងមុខនេះ។ នេះបើតាមរដ្ឋបាលខេត្តកំពង់ចាមបានឱ្យដឹង នៅក្នុងដំណើរចុះពិនិត្យលក្ខណៈបច្ចេកទេស និងពន្លឿនការស្ថាបនាស្ពានប្រដឺសឬស្សី កោះប៉ែន ឆ្លងកាត់ទន្លេមេគង្គ ឆ្ពោះទៅកាន់រមណីយដ្ឋានធម្មជាតិ “ឆ្នេរខ្សាច់កោះប៉ែន” ដែលដឹកនាំដោយលោក អ៊ុន ចាន់ដា អភិបាល នៃគណៈអភិបាលខេត្តកំពង់ចាម កាលពីថ្ងៃទី១៥ ខែធ្នូ ឆ្នាំ២០២៤។ រដ្ឋបាលខេត្តកំពង់ចាម បានឱ្យដឹងថា…

ឧកញ៉ា វ៉ាន់ ឆារស៍ជួន អភិបាលក្រុមហ៊ុន ខេមបូឌាអ៊ែផតអុិនវេសមុិន (CAIC) កាលពីព្រឹកថ្ងៃទី១៦ ខែធ្នូ ឆ្នាំ២០២៤ បានទទួលស្វាគមន៍ក្រុមហ៊ុនជិត១០០ នៃសមាជិកសមាគមភស្តុភារកម្មកម្ពុជា ចុះទស្សនកិច្ចនៅ «អាកាសយានដ្ឋានអន្តរជាតិតេជោ» ដែលមានទីតាំងនៅឃុំព្រែកស្លែង ស្រុកកណ្តាលស្ទឹង ខេត្តកណ្តាល។ ក្នុងដំណើរទស្សនកិច្ចនេះ ក៏មានការអញ្ជើញចូលរួមពី លោក ហាក់ លាងហ៊ ប្រធានសមាគមភស្តុភារកម្មកម្ពុជា (CLA) និងក្រុមប្រឹក្សាភិបាល រួមទទាំងសមាជិកសមាគមប្រមាណ៩០នាក់ផងដែរ ដោយបានទទួលការស្វាគមន៍យ៉ាងកក់ក្តៅអំពីសំណាក់ ឧកញ៉ា វ៉ាន់ ឆារស៍ជួន អភិបាលក្រុមហ៊ុនខេមបូឌាអ៊ែរផតអ៊ិនវេសមិន…

ក្រុមហ៊ុន Husk Ventures ដែលជាក្រុមហ៊ុនវិនិយោគបរទេស នៅខេត្តកំពង់ធំ បាននាំចេញដោយជោគជ័យនូវផលិតផលជីសរីរាង្គចំនួន ៣០០តោន ទៅកាន់ប្រទេសវៀតណាម ក្នុងឆ្នាំ២០២៤នេះ ខណៈក្រុមហ៊ុនគ្រោងបង្កើនការនាំចេញដល់ ២០០០តោន នៅឆ្នាំ២០២៥ខាងមុខ។ នេះបើយោងតាមដំណើរចុះពិនិត្យខ្សែច្រវាក់ផលិតកម្ម និងផ្តល់ការគាំទ្រដល់ក្រុមហ៊ុនផលិតជីក្នុងស្រុក នៅខេត្តសៀមរាប ខេត្តឧត្ដរមានជ័យ និងខេត្តកំពង់ធំ ដែលដឹកនាំដោយលោក គង់ ច័ន្ទវាសនា រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ កាលពីថ្ងៃទី១៤-១៥ ខែធ្នូ ឆ្នាំ២០២៤។ ចុះឱកាសដំណើរចុះពិនិត្យខ្សែច្រវាក់ផលិតកម្មនោះ ក្រសួងកសិកម្ម បានឱ្យដឹងថា ក្រុមហ៊ុន…

យោងតាមអ្នកជំនាញបានបង្ហាញឲ្យដឹងថា ប្រទេសវៀតណាម នឹងត្រូវការទឹកប្រាក់យ៉ាងហោចណាស់ ១៤ពាន់លានដុល្លារអាមេរិក ដើម្បីសាងសង់បណ្តាញស្ថានីយសាកថ្មរថយន្ត EV នៅទូទាំងប្រទេស ក្នុងគោលដៅដើម្បីអភិវឌ្ឍប្រព័ន្ធដឹកជញ្ជូនបៃតង។ នេះបើតាមការចុះផ្សាយពីសារព័ត៌មាន VN Express។ តាមរយ:ផែនការដ៏ធំនេះ ត្រូវបានគេរំពឹងទុកខ្ពស់ថានឹងកាត់បន្ថយការបញ្ចេញឧស្ម័នផ្ទះកញ្ចក់ និងបង្កើតឱកាសដ៏អស្ចារ្យសម្រាប់ទីផ្សាររថយន្តអគ្គិសនី (EV)។ សម្រាប់ការងាកទៅប្រើប្រាស់រថយន្ត EV គឺជាកិច្ចខិតខំប្រឹងប្រែងដ៏ធំមួយឆ្ពោះទៅរកគោលដៅបំភាយកាបូនកម្រិតសូន្យរបស់វៀតណាម និងការការពារបរិស្ថាន ហើយវាក៏នឹងជំរុញដល់សេដ្ឋកិច្ចជាតិផងដែរ ជាពិសេសក្នុងការកាត់បន្ថយថ្លៃដើមនាំចូលប្រេង និងអាចបង្កើតការងារបានដល់រាប់លានថែមទៀតផង។ យោងតាមរបាយការណ៍ពីធនាគារពិភពលោក បានបង្ហាញឲ្យដឹងថា ដើម្បីអាចឲ្យរថយន្ត EV ក្លាយជាចរន្ត ជាពិសេសក្នុងចំណោមអ្នកទិញរថយន្តលើកដំបូង នោះការសាងសង់ប្រព័ន្ធស្ថានីយសាកថ្ម នឹងដើរតួនាទីយ៉ាងសំខាន់។…

ថៃ៖ រដ្ឋមន្ត្រីក្រសួងហិរញ្ញវត្ថុថៃ បាននិយាយនៅថ្ងៃចន្ទសប្តាហ៍នេះថា លោកចង់ឱ្យមានកាត់បន្ថយអត្រាការប្រាក់បន្ថែមទៀត ដើម្បីឱ្យស្របទៅនឹងអតិផរណាទាប។ ការថ្លែងរបស់លោកធ្វើឡើងមុនកិច្ចប្រជុំត្រួតពិនិត្យគោលនយោបាយនៅសប្តាហ៍នេះ របស់ធនាគារកណ្តាលថៃដែលសេដ្ឋវិទូរំពឹងថា នឹងមិនមានការផ្លាស់ប្តូរអត្រាឡើយ។ នេះបើយោងតាមទីភ្នាក់ងារព័ត៌មានរ៉យទ័រ។ លោក Pichai Chunhavajira បាននិយាយថា ខណៈពេលដែលធនាគារកណ្តាលនឹងធ្វើការសម្រេចចិត្ត អំពីអត្រាការប្រាក់ គាត់បានពិភាក្សាអំពីបញ្ហានេះ ជាមួយទេសាភិបាលធនាគារកណ្តាលលោក Sethaput Suthiwartnaruput។ លោក Pichai បានមានប្រសាសន៍ថា៖ «តាមទស្សនៈរបស់យើង ប្រសិនបើវា អាចកាត់បន្ថយបាន វាល្អណាស់។ យើងចង់ឱ្យវាសមស្របនឹងអតិផរណា»។ លោកបានបន្ថែមថា៖ «យើងបានពិភាក្សាជាមួយទេសាភិបាលជាច្រើនដងរួចមកហើយ… ទេសាភិបាលបានដឹងកង្វល់របស់យើង…

នារសៀលថ្ងៃទី១៦ ខែធ្នូ ឆ្នាំ២០២៤ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានអនុញ្ញាតជូនអ្នកឧកញ៉ា សៀ ឬទ្ធី ប្រធានក្រុមប្រឹក្សាភិបាលក្រុមហ៊ុន Worldbridge Group និងសហការី ចូលជួបសម្តែងការគួរសម ពិភាក្សាការងារ និងរាយការណ៍ជូនពីវឌ្ឍនភាពគម្រោងចុះអនុស្សរណៈនៃការយោគយល់រវាងក្រសួងទេសចរណ៍ ក្រុមហ៊ុន Worldbridge Group និងក្រុមហ៊ុនTrip.com ដើម្បីជំរុញការលក់កញ្ចប់ទស្សនកិច្ចគោលដៅទេសចរណ៍កម្ពុជាទៅកាន់ទីផ្សារចិន ​និងពិភពលោក ជាពិសេសគឺការរៀបចំកញ្ចប់ទស្សនកិច្ចជាលក្ខណៈVIP ឱ្យកាន់តែទូលំទូលាយបន្ថែមទៀត។ In the afternoon of December…

ព្រះសីហនុ៖ នាវាចម្បាំងកងទ័ពជើងទឹកសហរដ្ឋអាម៉េរិក មួយគ្រឿង ឈ្មោះ USS SAVANNAH (LCS 28) មាននាវិកសរុបចំនួន១០៣ នៅព្រឹកថ្ងៃទី ១៦ ធ្នូនេះ បានចូលចតនៅកំពង់ផែស្វយ័តក្រុងព្រះសីហនុរយៈពេល៥ថ្ងៃ ចាប់ពី ថ្ងៃទី១៦ ដល់ ថ្ងៃ២០ខែធ្នូ ឆ្នាំ២០២៤។ ការចូលសំចតនាវារបស់អាម៉េរិកនេះ ក្នុងគោលបំណងពង្រឹង និងពង្រីកចំណងមិត្តភាព ក៏ដូចជាការលើកកម្ពស់នៃកិច្ចសហប្រតិបត្តិការ ទ្វេភាគីរវាងកម្ពុជា និងអាម៉េរិក។ នាវាចម្បាំងកងទ័ពជើងទឹកសហរដ្ឋអាម៉េរិក បានធ្វើដំណើរមកដល់កម្ពុជានៅថ្ងៃនេះ គឺមានការទទួលដោយផ្ទាល់ដោយលោកវរនាវីឯក មាន សាវឿន មេបញ្ជាការរងមូលដ្ឋានសមុទ្រ…

រុស្ស៊ី៖ អ្នកឃ្លាំមើលទំនាក់ទំនងរបស់រុស្ស៊ី Roskomnadzor បានឱ្យដឹងនៅថ្ងៃសុក្រថា អាជ្ញាធរបានបិ ទការចូលទៅកាន់កម្មវិធីផ្ញើសាររបស់ជប៉ុន Viber, ជាកម្មវិធីថ្មីចុងក្រោយ ដែលស្ថិតក្នុងចំណោម សេវាកម្មទំនាក់ទំនងសង្គម ដែលត្រូវបានបិទដោយអាជ្ញាធររុស្ស៊ី។នេះបើយោងតាមសារព័ត៌មាន CNN ចេញផ្សាយនៅថ្ងៃទី១៥ ខែធ្នូ ឆ្នាំ២០២៤។ ក្នុងសេចក្តីថ្លែងការណ៍, Roskomnadzor បានឱ្យដឹងថា ការបិទនេះ គឺពាក់ព័ន្ធនឹងការបំពានច្បាប់ ទាក់ទនឹងនឹងការទប់ស្កាត់អំពើភេរវកម្ម, ជ្រុលនិយម និងការជួញដូរគ្រឿងញៀន។ ក្រុមហ៊ុន Rakuten Group ដែលជាម្ចាស់កម្មវិធី Viber ភ្លាមៗមិនអាចសុំការបកស្រាយបានទេ។ សូមបញ្ជាក់ថា…