បន្តជាអ្នករួមចំណែកដ៏សំខាន់ដល់កំណើនសេដ្ឋកិច្ចពិភពលោកក្នុងរយៈពេលមធ្យម

អន្តរជាតិ់៖ បន្តជាអ្នករួមចំណែកដ៏សំខាន់ដល់កំណើនសេដ្ឋកិច្ចពិភពលោកក្នុងរយៈពេលមធ្យម

ប្រធានមូលនិធិរូបិយវត្ថុអន្តរជាតិ ហៅកាត់ថា IMF លោកស្រី Kristalina Georgieva បាននិយាយនៅឯវេទិកាអភិវឌ្ឍន៍ចិន២០២៤ ថា ប្រទេសចិន នឹងបន្តជាអ្នករួមចំណែកដ៏សំខាន់ដល់កំណើនសេដ្ឋកិច្ចពិភពលោកក្នុងរយៈពេលមធ្យម រួមទាំងកញ្ចប់ដ៏ទូលំទូលាយនៃកំណែទម្រង់គាំទ្រទីផ្សារដ៏មានសក្តានុពលក្នុងការជំរុញសេដ្ឋកិច្ចរបស់ខ្លួនបន្ថែមទៀត។
វេទិកាដែលបានគ្រោងធ្វើឡើងនៅថ្ងៃអាទិត្យ និងថ្ងៃចន្ទក្នុងទីក្រុងប៉េកាំង ផ្តោតលើប្រធានបទ “ការអភិវឌ្ឍដែលនៅតែបន្តទៅមុខរបស់ប្រទេសចិន”។
លោកស្រី Georgieva បាននិយាយថា IMF ព្យាករណ៍ថា កំណើនសេដ្ឋកិច្ចពិភពលោកនឹងនៅតែមានកម្រិតប្រហែល ៣ ភាគរយនៅឆ្នាំ ២០២៤ និង ឆ្នាំ ២០២៥។
លោកស្រីបានបន្តទៀតថា “ក្រឡេកទៅមើលក្នុងរយៈពេលមធ្យម យើងរំពឹងថាកំណើនសេដ្ឋកិច្ច នឹងមានប្រហែល ៣ ភាគរយ ដែលនៅក្រោមស្តង់ដារប្រវត្តិសាស្ត្រ។ ក្នុងអំឡុងពេលមុនទសវត្សរ៍នៃវីរុសរាតត្បាតសកល កំណើនសេដ្ឋកិច្ចពិភពលោកជាមធ្យមប្រចាំឆ្នាំគឺ ៣,៨% ៕