Author: RTZ Business news

ក្រសួងកសិកម្ម រុក្ខាប្រមាញ់ និងនេសាទ និងអង្គការស្បៀង​ និងកសិកម្មនៃសហប្រជាជាតិប្រចាំកម្ពុជា​(FAO) បានបើកកិច្ចពិភាក្សារួមគ្នា ដើម្បីជំរុញការវិនិយោគលើកសិផលសំខាន់របស់កម្ពុជា ឱ្យកាន់តែប្រសើរឡើង សំដៅធានាទីផ្សាជូនប្រជាកសិករនៅកម្ពុជា។នេះបើយោងតាមកិច្ចប្រជុំពិនិត្យវឌ្ឍនភាពស្តីពីកម្មវិធីអភិវឌ្ឍវិស័យកសិកម្ម ផ្សាភ្ជាប់ការវិនិយោគទៅនឹងពាណិជ្ជកម្ម (CAFE-2025) ដឹកនាំដោយលោករដ្ឋមន្ដ្រី ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ជាមួយតំណាងអង្គការស្បៀង​ និងកសិកម្មនៃសហប្រជាជាតិប្រចាំកម្ពុជា​(FAO)កាលថ្ងៃទី០៦ ខែមករា​ ឆ្នាំ២០២៥។ ​កិច្ចពិភាក្សានេះ បានផ្តោតលើការជំរុញទៅលើតម្រូវការនៃការវិនិយោគទាំងអ្នកវិនិយោគក្នុងស្រុក​ និងវិនិយោគិនបរទេស​ នូវកសិផលសំខាន់របស់កម្ពុជា ​រួមមាន៖​ ស្រូវអង្ករ​ ស្វាយចន្ទី​ ស្វាយ​ កៅស៊ូ​…

ប្រធានសហគមន៍កសិកម្មទំនើបស្រូវនាងអំ បានអះអាងថា បរិមាណស្រូវនាងអំជិត៧០០តោន ដែលសហគមន៍ផលិតបានក្នុងឆ្នាំ២០២៤កន្លងទៅថ្មីៗនេះ សហគមន៍មិនបានលក់ទៅឈ្មួញទិញស្រូវនៅក្នុងតំបន់នោះទេ គឺទុកធ្វើការកែច្នៃជាអង្ករលក់ដោយខ្លួនឯង ដើម្បីផ្តល់អត្ថប្រយោជន៍ឱ្យបានច្រើនជូនដល់សមាជិកសហគមន៍។អ្នកស្រី ឈិន សុភាសី ប្រធានសហគមន៍ខាងលើបានឱ្យដឹងថា ក្រោយពីបញ្ចប់ការប្រមូលស្រូវនាងអំនៅដើមខែធ្នូឆ្នាំ២០២៤ រហូតមកដល់ឆ្នាំ២០២៥នេះ សហគមន៍បានយកស្រូវដែលផលិតកែច្នៃធ្វើជាអង្ករលក់បានប្រមាណ៣០តោនហើយនៅក្នុងបរិមាណស្រូវសរុបជិត៧០០តោន។ អ្នកស្រីគូសបញ្ជាក់ថា “បើយើងលក់ស្រូវទៅឈ្មួញកណ្តាលទាំងអស់វាអត់មានភាពល្បីនោះទេសម្រាប់ពូជស្រូវប្រវត្តិសាស្ត្រ មួយនេះ ហើយភាគលាភដែលទទួលបានតិចជាង ការកែច្នៃជាអង្ករលក់ដោយខ្លួនឯង។ យើងចង់ឱ្យសហគមន៍កសិកម្មទំនើបស្រូវនាងអំ កា្លយជាសហគមន៍មួយផ្គត់ផ្គង់អង្ករដំបូងគេនៅកម្ពុជា ទៅលើការដាំពូជស្រូវនាងអំ លក់អង្ករនាងអំ និងលក់ពូជស្រូវនាងអំ ”។ដើម្បីឆ្លើយតបផែនការអាជីវកម្មរបស់សហគមន៍នៅឆ្នាំបន្ទាប់ ក្នុងចំណោមផ្ទៃដីសរុប៧០០ហិកតា សហគមន៍នឹងដកដីចំនួន៥០ហិកតា សម្រាប់ធ្វើការបន្សុតពូជស្រូវនាងអំដើម្បីផ្គត់ផ្គង់ពូជសុទ្ធនៅលើទីផ្សារ ហើយផ្ទៃដីនៅសល់នឹងធ្វើការដាំដុះស្រូវនាងអំទាំងអស់។ បើតាមអ្នកស្រី ឈិន…

ខណៈសេដ្ឋកិច្ចរបស់ប្រទេសកម្ពុជា ត្រូវបានរំពឹងថានឹងកើនឡើងជាមួយនឹងអត្រាប្រចាំឆ្នាំជាមធ្យមរង្វង់៦% នៅចន្លោះឆ្នាំ២០២៤ ដល់ឆ្នាំ២០២៥ កំណើននេះត្រូវបានមើលឃើញថា នឹងបង្កើតឱកាសការងារជាច្រើននៅក្នុងវិស័យចម្បងរបស់កម្ពុជា ដូចជាវិស័យសេវាកម្ម និងឧស្សាហកម្ម ខណៈចំនួនការងារក្នុងវិស័យកសិកម្មនៅរក្សានិន្នាការថយចុះ។ទស្សនវិស័យមុខរបរ និងការងារ តម្រូវការជំនាញ និងការងារសម្រាប់យុវជន បានឱ្យដឹងថា ការព្យាករកំណើនការងារ បានបង្ហាញពីភាពសុទិដ្ឋិនិយម ដោយចំនួនការងារសរុបកើនពី៩,៨លានាក់ នៅក្នុងឆ្នាំ២០២៣ ដល់១០,១លាននាក់ នៅក្នុងឆ្នាំ២០២៥ ជាពិសេស វិស័យសេវាកម្ម និងឧស្សាហកម្ម។ ប្រភពខាងលើបន្តថា ការព្យាករកំណើនការងារក្នុងវិស័យសេវាកម្ម បានបង្ហាញពីសន្ទុះមួយគួរឱ្យកត់សម្គាល់ និងមមានកំណើនខ្ពស់ជាងវិស័យកសិកម្ម និងឧស្សាហកម្ម។ ក្នុងនោះអត្រាកំណើនការងារអាចកើនជាមធ្យមក្នុងរង្វង់% ពីឆ្នាំ២០២៣ ដល់ឆ្នាំ២០២៥…

ហ្វីលីពីន៖ ជនជាតិបរទេសប្រមាណ៤០០នាក់ត្រូវបានចាប់ខ្លួនកាលពីថ្ងៃពុធ ក្នុងការវាយឆ្មក់ទ្រង់ទ្រាយធំលើកន្លែងដែលគេសង្ស័យថា ឆបោកតាមអ៊ីនធឺណិតនៅក្នុងទីក្រុងម៉ានីល។ នេះបើយោងតាមការចេញផ្សាយរបស់សារព័ត៌មាន CNA នៅថ្ងៃទី ០៩ ខែមករា ឆ្នាំ២០២៥។ អាជ្ញាធរហ្វីលីពីនបានឆ្មក់ចូលអគារមួយហើយបានរកឃើញកម្មកររាប់រយនាក់ដែលត្រូវបានគេចោទថា បានចូលរួមក្នុងប្រតិបត្តិការឆបោកតាមអ៊ីនធឺណិតដែលកំណត់គោលដៅលើជនរងគ្រោះនៅបរទេស។ អ្នកនាំពាក្យការិយាល័យអន្តោប្រវេសន៍ លោកស្រី Dana Sandoval បានប្រាប់ AFP ថា ជនបរទេសដែលត្រូវបានចាប់ខ្លួនទាំងនោះភាគច្រើនជាជនជាតិចិន ហើយកំពុងស្ថិតនៅក្រោមនីតិវិធីច្បាប់។ ពួកគេនឹងត្រូវឃុំខ្លួនបណ្ដោះអាសន្នដើម្បីរង់ចាំការនិរទេសខ្លួនចេញពីហ្វីលីពីន។ លោក Fortunato Manahan ប្រធានផ្នែកស៊ើបការណ៍សម្ងាត់របស់ការិយាល័យអន្តោប្រវេសន៍ហ្វីលីពីន បាននិយាយនៅក្នុងសេចក្តីថ្លែងការណ៍មួយដោយពណ៌នាអំពីការវាយឆ្មក់ចុងក្រោយថា៖«ប្រតិបត្តិការរបស់ពួកគេត្រូវបានរកឃើញថា បំពានច្បាប់អន្តោប្រវេសន៍ និងបង្កហានិភ័យយ៉ាងសំខាន់ដល់សាធារណជន»។ ប្រធានាធិបតីហ្វីលីពីន…

ឥណ្ឌូណេស៊ី ៖ រដ្ឋាភិបាលឥណ្ឌូណេស៊ី បានចុះហត្ថលេខាលើអនុស្សរណៈនៃការយោគយល់គ្នា កាលពីថ្ងៃទី៨ខែមករាឆ្នាំ២០២៥ ជាមួយអ្នកវិនិយោគមកពីប្រទេសកាតា ដើម្បីសាងសង់លំនៅឋានតម្លៃសមរម្យចំនួន១លានខ្នង។ រដ្ឋមន្ត្រីក្រសួងលំនៅឋាន លោក Maruarar Sirait បានចុះហត្ថលេខាលើកិច្ចព្រមព្រៀងជាមួយប្រធានក្រុមហ៊ុនកាតា Qilaa International Group នៅវិមានប្រធានាធិបតី ដោយមានការចូលរួមពីប្រធានាធិបតីឥណ្ឌូណេស៊ី លោក Prabowo Subianto។ លោក Maruarar បានប្រាប់អ្នកយកព័ត៌មានថា៖ «យើងផ្តល់អាទិភាពដល់វណ្ណៈទាបកណ្ដាលដែលរស់នៅក្នុងទីក្រុង»។ រដ្ឋាភិបាល នឹងផ្តល់ដីសម្រាប់សាងសង់អាផាតមិន ខណៈដែលអ្នកវិនិយោគនឹងក្លាយជាអ្នកម៉ៅការ ហើយនឹងផ្តល់ហិរញ្ញប្បទានដល់គម្រោងនេះ។ សូមបញ្ជាក់ថា គម្រោងនេះ…

បាងកក៖ នាយករដ្ឋមន្រ្តីថៃ លោកស្រី Paetongtarn Shinawatra បានឱ្យដឹងនារសៀលថ្ងៃអង្គារ ទី៧ ខែមករា នេះថា តារាសម្តែងចិនម្នាក់ដែលបាត់ខ្លួន ឈ្មោះ Wang Xing ត្រូវបានរកឃើញដោយមានសុវត្ថិភាព ហើយនាពេលនេះ កំពុងជួបជាមួយអាជ្ញាធរថៃ។ នេះបើតាមការចេញផ្សាយដោយ ទីភ្នាក់ងារព័ត៌មាន Bangkok Post។ លោក Wang ហៅ Xingxing ត្រូវបាននាំត្រឡប់ពីប្រទេសមីយ៉ាន់ម៉ា មកកាន់ស្រុក Mae Sot នៃខេត្ត Tak…

រដ្ឋធានីដាម៉ាស៖ រដ្ឋមន្ត្រីហិរញ្ញវត្ថុរបស់ប្រទេសស៊ីរី បានប្រកាសនៅថា រដ្ឋាភិបាលនឹងដំឡើងប្រាក់បៀវត្សរ៍សម្រាប់បុគ្គលិកផ្នែកសាធារណៈជាច្រើនចំនួន៤០០ភាគរយ ចាប់ពីខែក្រោយទៅ បន្ទាប់ពីបានបញ្ចប់ការរៀបចំរចនាសម្ព័ន្ធរដ្ឋបាលឡើងវិញ ដើម្បីបង្កើនប្រសិទ្ធភាព និងគណនេយ្យភាព។ ការដំឡើងប្រាក់ខែនេះ ត្រូវបានប៉ាន់ប្រមាណថានឹងចំណាយអស់១,៦៥ពាន់ពាន់លានផោនស៊ីរី ឬប្រហែល១២៧លានដុល្លារអាម៉េរិក នឹងត្រូវបានផ្តល់ហិរញ្ញប្បទានដោយធនធានរដ្ឋដែលមានស្រាប់ បូករួមទាំងការរួមបញ្ចូលជំនួយក្នុងតំបន់ ការវិនិយោគថ្មី និងការខិតខំប្រឹងប្រែងក្នុងការប្រើប្រាស់ទ្រព្យសម្បត្តិបង្កក ដែលមាននៅក្រៅប្រទេស។ លោកMohammed Abazeedរដ្ឋមន្ត្រីហិរញ្ញវត្ថុក្នុងរដ្ឋាភិបាលចាំផ្ទះរបស់ប្រទេសស៊ីរី បានប្រាប់ទីភ្នាក់ងារសារព័ត៌មានរ៉យទ័រថា៖«នេះគឺជាជំហានដំបូងឆ្ពោះទៅរកដំណោះស្រាយសង្គ្រោះបន្ទាន់ចំពោះសេដ្ឋកិច្ចនៅក្នុងប្រទេស»។ លោកបន្ថែមថា ប្រាក់ឈ្នួលប្រចាំខែសម្រាប់បុគ្គលិកផ្នែកសាធារណៈ នឹងត្រូវបើកក្នុងសប្តាហ៍នេះ។ វិធានការទាំងនេះ គឺជាផ្នែកមួយនៃយុទ្ធសាស្ត្រទូលំទូលាយដោយរដ្ឋាភិបាលចាំផ្ទះថ្មីរបស់ប្រទេសស៊ីរី ដើម្បីធ្វើឱ្យមានស្ថិរភាពសេដ្ឋកិច្ចរបស់ប្រទេស បន្ទាប់ពីជម្លោះ និងការដាក់ទណ្ឌកម្មអស់រយៈពេល១៣ឆ្នាំ។ លោក អាបាហ្សេត បាននិយាយថា…

(បរទេស)៖ ក្រុមហ៊ុន Microsoft បានប្រកាសការវិនិយោគនូវទំហំទឹកប្រាក់ ៣ពាន់លានដុល្លារនៅក្នុងប្រទេសឥណ្ឌា ដោយផ្តោតលើហេដ្ឋារចនាសម្ព័ន្ធ Cloud Computing និង បញ្ញាសិប្បនិម្មិត (AI) ក្នុងរយៈពេលពីរឆ្នាំខាងមុខ។ នេះបើយោងតាមការចេញផ្សាយរបស់សារព័ត៌មាន India Times នៅថ្ងៃទី០៧ ខែមករា ឆ្នាំ២០២៥។ លោក Satya Nadella នាយកប្រតិបត្តិរបស់ក្រុមហ៊ុន Microsoft ដែលមានដើមកំណើតឥណ្ឌា បានធ្វើសេចក្តីប្រកាសក្នុងអំឡុងពេលដំណើរទស្សនកិច្ចរបស់គាត់ទៅកាន់ទីក្រុង Bengaluru ដែលជាកន្លែងនៃបណ្ដុំឧស្សាហកម្មបច្ចេកវិទ្យា ក្នុងគោលបំណងពង្រឹងសមត្ថភាព AI និងបង្កើតមជ្ឈមណ្ឌលទិន្នន័យថ្មី។…

ឡាវ៖ អត្រាអតិផរណារបស់ប្រទេសឡាវ បានធ្លាក់ចុះនៅឆ្នាំ២០២៤ មកនៅត្រឹម២១,៣ភាគរយ ធ្លាក់ចុះពី៣១,២ភាគរយក្នុងឆ្នាំ២០២៣។ នេះបើតាមរបាយការណ៍ផ្លូវការដែលចុះផ្សាយដោយសារព័ត៌មាន the Laotion times នៅថ្ងៃទី ៣ ខែមករា ឆ្នាំ២០២៥។ ទោះបីជាមានការធ្លាក់ចុះក៏ដោយ តម្លៃនៃការរស់នៅនៅតែស្ថិតក្នុងកម្រិតខ្ពស់ពេញមួយឆ្នាំ ដោយទិន្នន័យពីការិយាល័យស្ថិតិជាតិបង្ហាញពីការកើនឡើងនៃសន្ទស្សន៍តម្លៃទំនិញប្រើប្រាស់ ដែលបានកើនឡើងពី២០៨,៣ក្នុងឆ្នាំ២០២៣ ដល់២៤៣,៥ក្នុងឆ្នាំ២០២៤។ បញ្ហានេះ វាបានជះឥទ្ធិពលយ៉ាងខ្លាំងដល់ការចំណាយក្នុងគ្រួសារ ជាពិសេសនៅក្នុងផ្នែកដូចជា ការថែទាំសុខភាព និងអាហារ។ នៅឆ្នាំ២០២៣ ការចំណាយលើតម្រូវការមូលដ្ឋានដូចជាអាហារ និងភេសជ្ជៈគ្មានជាតិអាល់កុល ជាទំនិញដែលប្រជាជនឡាវបានទិញញឹកញាប់បំផុត មានឥទ្ធិពលខ្លាំងបំផុតទៅលើថវិកាគ្រួសារ។ ផ្នែកសំខាន់នៃប្រាក់ចំណូលត្រូវបានបែងចែកទៅលើទំនិញប្រភេទនេះ។ ការចំណាយផ្សេងទៀត…

វៀតណាម៖ ទិន្នន័យរបស់រដ្ឋាភិបាលវៀតណាម បានបង្ហាញនៅថ្ងៃចន្ទទី៦ ខែមករានេះថា ផលិតផលក្នុងស្រុកសរុប(GDP)របស់វៀតណាម កើនឡើង ដល់៧,០៩ភាគរយកាលពីឆ្នាំមុន ខណៈកាលពីឆ្នាំ២០២៣ GDP វៀតណាមមានកំណើន៥,០៥ភាគរយ។ ការងើបឡើងនៃទំហំសេដ្ឋកិច្ចឥតឈប់ឈររបស់វៀតណាម គឺដោយសារទំហំនៃការនាំចេញ និងរំហូរវិនិយោគិនបរទេស…។ របាយការណ៍បានបង្ហាញថា GDP របស់ប្រទេសវៀតណាម បានកើនឡើង៧,៥៥ភាគរយ នៅក្នុងត្រីមាសទី៤នៃឆ្នាំ២០២៤។ ប្រទេសកុម្មុយនីស្ដវៀតណាមគឺជាមជ្ឈមណ្ឌលផលិតកម្មក្នុងតំបន់ដ៏សំខាន់ និងបានទទួលអត្ថប្រយោជន៍ពីការស្ទុះងើបឡើងវិញនៃការប្រើប្រាស់សកល បើទោះបីជាត្រូវបានរងផលប៉ះពាល់យ៉ាងធ្ងន់ធ្ងរដោយព្យុះទីហ្វុងដ៏ខ្លាំងបំផុតរបស់អាស៊ីកាលពីឆ្នាំមុនក៏ដោយ។ ជាមួយគ្នានេះ របាយការណ៍បានបង្ហាញថា ការនាំចេញរបស់វៀតណាមក្នុងឆ្នាំ២០២៤ បានកើនឡើង១៤,៣ភាគរយ ធៀបនឹងរយៈពេលដូចគ្នាកាលពីឆ្នាំ២០២៣ ដល់ទៅ៤០៥,៥៣ពាន់លានដុល្លារអាម៉េរិក ផ្តោតលើការនាំចេញគ្រឿងអេឡិចត្រូនិច ស្មាតហ្វូន សម្លៀកបំពាក់…