រថយន្តអគ្គិសនី និង រថយន្តកូនកាត់ Plug-inរបស់ចិន កំពុងដណ្តើមទីផ្សាររថយន្ត បានច្រើនបំផុត ក្នុងទីផ្សារពិភពលោក
(ប៉េកាំង)៖ ការលក់រថយន្តនៅប្រទេសចិនរក្សាបាននូវកំណើននៅឆ្នាំ២០២៤ ខណៈការលក់រថយន្តអគ្គិសនី និងរថយន្តកូនកាត់ Plug-in នៅក្នុងទីផ្សាររថយន្តដ៏ធំបំផុតក្នុងពិភពលោកនេះបានឈានដល់កម្រិតខ្ពស់បំផុត។ នេះបើយោងតាមទីភ្នាក់ងារព័ត៌មានរ៉យទ័រ។ ទីផ្សាររថយន្តអគ្គិសនីនៅក្នុងប្រទេសចិនទទួលបានកំណើនដ៏លេចធ្លោដែលជួយដល់ក្រុមហ៊ុនស្រុកដូចជាក្រុមហ៊ុន BYD ក្រុមហ៊ុន Geely និងក្រុមហ៊ុន Xiaomi ក្នុងការទទួលបានចំណែកទីផ្សារបន្ថែមទៀត។ កំណើនទីផ្សារនៅប្រទេសចិននេះក៏ផ្តល់អត្ថប្រយោជន៍ដល់ក្រុមហ៊ុន Tesla ផងដែរដោយការលក់នៅប្រទេសចិនរបស់ក្រុមហ៊ុននេះបានឈានដល់កម្រិតខ្ពស់បំផុតក្នុងឆ្នាំ២០២៤ ដោយបានជួយទប់ស្កាត់ការធ្លាក់ចុះការលក់ជារួមនៅទូទាំងពិភពលោករបស់ក្រុមហ៊ុនផលិតរថយន្តអគ្គិសនីដ៏ធំរបស់សហរដ្ឋអាមេរិកមួយនេះ។ ក្រុមហ៊ុនផលិតរថយន្តបរទេសផ្សេងទៀតដូចជាក្រុមហ៊ុន General Motors ក្រុមហ៊ុន Toyota និងក្រុមហ៊ុន Volkswagen បានបន្តបាត់បង់ចំណែកទីផ្សារទៅឱ្យគូប្រជែងក្នុងស្រុក។ ទោះជាយ៉ាងណា ក្រុមហ៊ុនទាំងនេះភាគច្រើនកំពុងតស៊ូរក្សាចំណែកទីផ្សាររបស់ខ្លួននៅប្រទេសចិនប្រកបដោយប្រសិទ្ធភាព។សមាគមរថយន្តដឹកអ្នកដំណើរចិន (CPCA) ថា…
ក្រុមហ៊ុនធំៗជាច្រើននៅ អាមេរិក នាំគ្នាផ្តល់ប្រាក់បរិច្ចាគ ១លានដុល្លារ ក្នុងមួយក្រុមហ៊ុន ដល់មូលនិធិប្រធានាធិបតីជាប់ឆ្នោត លោក Trump
អាមេរិក ៖ មូលនិធិរបស់ប្រធានាធិបតីជាប់ឆ្នោត លោក Donald Trump នៅពេលនេះ បានទទួលការគាំទ្រផ្នែកហិរញ្ញវត្ថុយ៉ាងច្រើនពីក្រុមហ៊ុនបច្ចេកវិទ្យាផ្សេងៗ ដោយមានការរួមចំណែកគួរឱ្យកត់សម្គាល់ចំនួន ១លានដុល្លារ ក្នុងមួយក្រុមហ៊ុន ដោយមានក្រុមហ៊ុនបច្ចេកវិទ្យាយក្សអាមេរិកធំៗបានផ្ដល់ជូន។ យោងតាមរបាយការណ៍ចុងក្រោយបានបង្ហាញឱ្យដឹងថា គិតមកដល់ពេលនេះក្រុមហ៊ុន Big Tech អាមេរិកដែលជាបងធំនៅក្នុងពិភពបច្ចេកវិទ្យា មានដូចជា Google, Apple, Microsoft, Meta (Facebook) និង Amazon បាននាំគ្នាបរិច្ចាគ ១លានដុល្លារអាមេរិកក្នុងមួយក្រុមហ៊ុន ដើម្បីគាំទ្រដល់មូលនិធិរបស់លោក Trump ឱ្យដំណើរការរលូន។…
ជំនួបសម្តែងការគួរសម និងពិភាក្សាការងាររវាងឯកឧត្តមរដ្ឋមន្ត្រី ហួត ហាក់ ជាមួយលោក Emmanuel MENANTEAU សមាជិកគណៈកម្មាធិការប្រតិបត្តិនៃក្រុមហ៊ុនមេ VINCI និងជានាយកទទួលបន្ទុកតំបន់សហរដ្ឋអាមេរិក អឺរ៉ុបខាងជើង និងខាងកើត និងអាស៊ីអាគ្នេយ៍ និងសហការី
រសៀលថ្ងៃព្រហស្បតិ៍ ទី៩ ខែមករា ឆ្នាំ២០២៥ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានអនុញ្ញាតជូន Mr. Emmanuel MENANTEAU សមាជិកគណៈកម្មាធិការប្រតិបត្តិនៃក្រុមហ៊ុនមេ VINCI និងជានាយកទទួលបន្ទុកតំបន់សហរដ្ឋអាមេរិក អឺរ៉ុបខាងជើង និងខាងកើត និងអាស៊ីអាគ្នេយ៍ និងសហការី ចូលជួបសម្តែងការគួរសម និងពិភាក្សាការងារផ្លាស់ប្តូរទស្សនៈយុទ្ធសាស្រ្តអំពីកិច្ចសហប្រតិបត្តិការលើវិស័យទេសចរណ៍រវាងក្រសួងទេសចរណ៍ជាមួយក្រុមហ៊ុនសូស៊ីយេតេ កុងសេស្យូនែរ ដឺ ឡាអេរ៉ូព័រ (SOCIÉTÉ CONCESSIONNAIRE DE L’AÉROPORT) ដើម្បីទាក់ទាញក្រុមហ៊ុនអាកាសចរណ៍ និងការពង្រីកជើងហោះហើរថ្មីបន្ថែមមកកម្ពុជាសម្រាប់ឆ្នាំថ្មីនេះ។
ក្រុងសៀងហៃដែលជាក្រុងពាណិជ្ជកម្មធំបំផុតរបស់ចិន ចាប់ផ្តើមផែនការអនុញ្ញាតឱ្យមានមន្ទីរពេទ្យដែលមានម្ចាស់គ្រប់គ្រងជាបរទេសទាំងស្រុងនៅក្នុងទីតាំងចំនួន ៩រួមទាំងទីក្រុងប៉េកាំង
សៀងហៃ៖ ទីក្រុងសៀងហៃបានចាប់ផ្តើមផែនការអនុញ្ញាតឱ្យមានការបង្កើតមន្ទីរពេទ្យដែលគ្រប់គ្រងដោយជនបរទេសទាំងស្រុងនៅក្នុងទឹកដីខ្លួន នៅក្នុងតំបន់សេដ្ឋកិច្ចសំខាន់ៗ តំបន់ជីវឱសថ និងសង្កាត់កណ្តាលទីក្រុងដែលជាកន្លែងរស់នៅរបស់ជនបរទេសជាច្រើន។នេះបើតាមការចេញផ្សាយដោយសារព័ត៌មានរ៉យទ័រនៅថ្ងៃទី ៩ ខែមករា ឆ្នាំ២០២៥។ រដ្ឋធានីពាណិជ្ជកម្មនេះគឺជាទីក្រុងដំបូងគេដែលប្រកាសអំពីការចាប់ផ្តើមផែនការនេះ បន្ទាប់ពីរដ្ឋាភិបាលកណ្តាលបាននិយាយកាលពីខែកញ្ញាថា ខ្លួននឹងអនុញ្ញាតឱ្យមានមន្ទីរពេទ្យគ្រប់គ្រងដោយបរទេសទាំងស្រុងនៅក្នុងទីតាំងចំនួន ៩រួមទាំងទីក្រុងប៉េកាំងផងដែរ។ គោលបំណងគឺដើម្បីទាក់ទាញការវិនិយោគ ធ្វើអោយប្រសើរឡើងនូវបរិយាកាសអាជីវកម្មក្នុងចំណោមវិនិយោគិនបរទេស និងធ្វើឱ្យប្រទេសដែលមានសេដ្ឋកិច្ចធំជាងគេទីពីររបស់ពិភពលោក មានសេដ្ឋកិច្ចប្រសើរឡើងវិញមួយកំរិតទៀត។ រដ្ឋាភិបាលក្រុងសៀងហៃបាននិយាយនៅក្នុងសេចក្តីថ្លែងការណ៍នៅលើគេហទំព័ររបស់ខ្លួនកាលពីថ្ងៃពុធថាទីក្រុងសៀងហៃនឹងអនុញ្ញាតឱ្យមន្ទីរពេទ្យគ្រប់គ្រងដោយបរទេសមាននៅក្នុងតំបន់សេដ្ឋកិច្ចសំខាន់ៗរួមទាំងតំបន់ពិសេស Lingang និងសង្កាត់ពាណិជ្ជកម្ម Hongqiao ។ តាមរយៈគំនិតផ្តួចផ្តើមនេះ ទីក្រុងនេះមានគោលបំណងពង្រីកបន្ថែមការបើកវិស័យថែទាំសុខភាព ពង្រឹងសេវាថែទាំសុខភាព និងកែលម្អបរិយាកាសអាជីវកម្ម។ម្ចាស់អាជីវកម្មនេះ តម្រូវឱ្យបង្ហាញនូវConcept(គំនិត) គំរូ និងស្តង់ដារសេវាកម្មនៃការគ្រប់គ្រង និង ដំណើរការមន្ទីរពេទ្យកម្រិតខ្ពស់…
ជំនួបសម្តែងការគួរសម និងពិភាក្សាការងារ រវាងឯកឧត្តមរដ្ឋមន្ត្រី ហួត ហាក់ និងឯកឧត្តម Mohammed Ismaeil A. Dahlwy Ambassador ឯកអគ្គរាជទូតវិសាមញ្ញ និងពេញសមត្ថភាពនៃប្រទេសអារ៉ាប៊ីសាអូឌីត ប្រចាំព្រះរាជាណាចក្រកម្ពុជា
ព្រឹកថ្ងៃទី៩ ខែមករា ឆ្នាំ២០២៥ នៅទីស្តីការក្រសួងទេសចរណ៍ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានអនុញ្ញាតជូនឯកឧត្តម Mohammed Ismaeil A. Dahlwy Ambassador ឯកអគ្គរាជទូតវិសាមញ្ញ និងពេញសមត្ថភាពនៃប្រទេសអារ៉ាប៊ីសាអូឌីត ប្រចាំព្រះរាជាណាចក្រកម្ពុជា និងសហការី ចូលជួបសម្តែងការគួរសម និងពិភាក្សាការងារ ដើម្បីរៀបចំចាត់តាំងក្រុមការងារក្នុងការចុះអនុស្សរណៈយោគយល់គ្នា រវាងក្រសួងទេសចរណ៍កម្ពុជា និងស្ថានឯកអគ្គរាជទូតអារ៉ាប់ប៊ីសាអូឌីត និងបានកោតសរសើរ និងវាយតម្លៃខ្ពស់ចំពោះភាពរីកចម្រើន សន្តិភាព ភាពសុខដុមរមនា ជំនឿសាសនានៃប្រទេសកម្ពុជា។
កត្តាសុខសន្តិភាព សិ្ថរភាពនយោបាយ និងសណ្តាប់ធ្នាប់ល្អប្រសើររបស់កម្ពុជា ជាផ្នែកដ៏សំខាន់ក្នុងការទាក់ទាញទេសចររុស្សីមកទស្សនាកកម្ពុជាកាន់តែច្រើនឡើង
ព្រឹកថ្ងៃទី៩ ខែមករា ឆ្នាំ២០២៥ នៅទីស្តីការក្រសួងទេសចរណ៍ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានអនុញ្ញាតជូន ឯកឧត្តម អាណាតូលី បូរូវីក (H.E. Mr. Anatoly BOROVIK) ឯកអគ្គរដ្ឋទូតវិសាមញ្ញ និងពេញសមត្ថភាពនៃសហព័ន្ធរុស្ស៊ីប្រចាំកម្ពុជា និងសហការី ចូលជួបសម្តែងការគួរសម និងពិភាក្សាការងារ ដើម្បីជំរុញកិច្ចសហប្រតិបត្តិការទេសចរណ៍រវាងប្រទេសកម្ពុជា-រុស្សី ដោយបានឯកភាពចាត់តាំងក្រុមការងារបច្ចេកទេសរៀបចំពង្រាងអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការទេសចរណ៍រវាងក្រសួងទេសចរណ៍កម្ពុជា និងស្ថាប័នទទួលបន្ទុកទេសចរណ៍រុស្សី។ ឯកឧត្តមឯកអគ្គរដ្ឋទូតក៏បានកោតសរសើរនិងវាយតម្លៃខ្ពស់អំពីសិ្ថរភាពនយោបាយ សង្គម និងសន្តិសុខល្អប្រសើររបស់កម្ពុជានាពេលបច្ចុប្បន្នដែលជាកត្តាដ៏សំខាន់ទាក់ទាញទេសចររុស្សីមកទស្សនាកកម្ពុជាបន្ថែម។
ក្រសួងពាណិជ្ជកម្ម និងវិស័យឯកជន ជំរុញផលិតផលកសិកម្មរបស់កសិករក្នុងស្រុក
ភ្នំពេញ៖ ក្រសួងពាណិជ្ជកម្ម និងក្រុមហ៊ុនស៊ី.ភី.ខេមបូឌា បានអនុវត្តអនុស្សរណៈនៃការយោគយល់គ្នា ដើម្បីប្រមូលទិញពោតក្រហម ដំឡូងមី កញ្ចុងអង្ករ និងកន្ទក់ ពីកសិករក្នុងស្រុក។យោងតាមរបាយការណ៍របស់ក្រសួងពាណិជ្ជកម្ម បានឱ្យដឹងថា៖ ជាលទ្ធផលនៃកិច្ចសហការ ពោតក្រហមចំនួន ៣៦៦ ៣៨៦តោន ដំឡូងមីចំនួន ១៣២ ៣៩៧តោន និងកន្ទក់ចំនួន ១១០ ៨៣៦តោន បានត្រូវប្រមូលទិញពីកសិករ។ ចំណែកការអនុវត្តអនុស្សរណៈនៃការយោគយល់គ្នាចំនួន៥ រវាងក្រុមហ៊ុនបន្លែ រួមមាន៖ CamAgri, Lala CSDS, ផ្សារកូនកាំបិត, ផ្សារខ្មែរបន្លែធម្មជាតិ និងផ្សារស្នាដៃម៉ែ…
ផ្លូវជាតិលេខ៤៨ ពីស្រែអំបិល-កោះកុង សង់បានជិត ៨០ % គ្រោងបញ្ចប់នារដូវប្រាំង ឆ្នាំ២០២៥
យោងតាមវឌ្ឍនភាពការងារគម្រោងស្ដារ និងលើកកម្រិតគុណភាពផ្លូវជាតិលេខ៤៨ ដែលបានធ្វើបច្ចុប្បន្នភាពដោយក្រសួងសាធារណការ និងដឹកជញ្ជូន កាលថ្ងៃទី០៥ ខែធ្នូ ឆ្នាំ២០២៥ បានបង្ហាញថា គម្រោងស្ដារ និងលើកកម្រិតគុណភាពផ្លូវជាតិលេខ៤៨ ពីស្រែអំបិល-កោះកុង ប្រវែង ១៤៨គីឡូម៉ែត្រ សាងសង់បាន ៧៨%ហើយ ដោយគ្រោងបញ្ចប់នារដូវប្រាំងក្នុងឆ្នាំ ២០២៥ ខាងមុខនេះ។ក្រសួងបានឱ្យដឹងថា ក្រុមការងារការដ្ឋានគម្រោងលើកកម្រិតគុណភាពផ្លូវជាតិលេខ៤៨(ស្រែអំបិល-កោះកុង) បានសម្រុកខ្លាំង ដើម្បីធានាវឌ្ឍនភាពកាន់តែប្រសើរនៅដើមខែមករា នៃដើមឆ្នាំ២០២៥នេះ។ នៅមិនយូរប៉ុន្មានទេការងារអ៊ុត AC នឹងបញ្ចប់ ខណៈដែលតាមគម្រោងការងារអ៊ុត AC គ្រោងបញ្ចប់នៅចុងរដូវប្រាំង ឆ្នាំ២០២៥ ខាងមុខនេះហើយ។…
សហភាពអឺរ៉ុប នឹងបន្តគាំទ្រដល់វឌ្ឍនភាពសេដ្ឋកិច្ច និងសង្គមកម្ពុជា
លោក Igor Driesmans ឯកអគ្គរដ្ឋទូតសហភាពអឺរ៉ុប ប្រចាំព្រះរាជាណាចក្រកម្ពុជា បានលើកឡើងថា សហភាពអឺរ៉ុប នឹងបន្តគាំទ្រដល់វឌ្ឍនភាពសេដ្ឋកិច្ច និងសង្គមកម្ពុជា តាមរយៈជំនួយបច្ចេកទេស និងកម្មវិធីកសាងសមត្ថភាពនានា។ឯកអគ្គរដ្ឋទូតសហភាពអឺរ៉ុប ថ្លែងបែបនេះ នៅក្នុងជំនួបសម្តែងការគួរសម ជាមួយលោក ប្រាក់ សុខុន ឧបនាយករដ្ឋមន្ត្រី និងជារដ្ឋមន្ត្រីការបរទេស និងសហប្រតិបត្តិការអន្តរជាតិ កាលចុងសប្តាហ៍។នាឱកាសនោះលោក Igor Driesmans ឯកអគ្គរដ្ឋទូតសហភាពអឺរ៉ុប ប្រចាំព្រះរាជាណាចក្រកម្ពុជា បានលើកឡើងថា ការប្តេជ្ញាចិត្ត របស់សហភាពអឺរ៉ុប ក្នុងការបន្តគាំទ្រដល់វឌ្ឍនភាពសេដ្ឋកិច្ច-សង្គមរបស់កម្ពុជាតាមរយៈជំនួយ បច្ចេកទេស និងកម្មវិធីកសាងសមត្ថភាព…
ក្រុមហ៊ុនចិន ចង់ពង្រីកកិច្ចសហប្រតិបត្តិការលើសេវាហោះហើរឯកជនជាមួយកម្ពុជា
ក្រុមហ៊ុន Heli-Eastern និងក្រុមហ៊ុន Amber Aviation Limited ដែលមកពីទីក្រុងស៊ីនជិន ប្រទេសចិន បានបង្ហាញពីបំណងរបស់ខ្លួន ដោយចង់ចង់ពង្រីកកិច្ចសហប្រតិបត្តិការជាមួយកម្ពុជា ដោយផ្តោតលើសេវាហោះហើរឯកជន។យោងតាមហ្វេសប៊ុក ក្រសួងពាណិជ្ជកម្ម នាថ្ងៃទី៩ ខែមករា ឆ្នាំ២០២៥ បានឱ្យដឹងថា បំណងរបស់ក្រុមហ៊ុនចិនខាងលើនេះ ត្រូវបានធើ្វឡើងនៅក្នុងដំណើរទស្សនកិច្ច ដឹកនាំដោយ លោក ឡៅ ងួន អេង អនុព័ន្ធពាណិជ្ជកម្មកម្ពុជាអមស្ថានអគ្គកុងស៊ុលកម្ពុជាប្រចាំទីក្រុងក្វាងចូវ នៃខេត្តក្វាងទុង សាធារណរដ្ឋប្រជាមានិតចិន ដើម្បីសិក្សាស្វែងយល់អំពីប្រតិបត្តិការពាណិជ្ជកម្មរបស់ក្រុមហ៊ុនទាំងពីរ។ ក្រសួងពាណិជ្ជកម្ម បានបញ្ជាក់ថា ក្រុមហ៊ុន…